អនុវត្តតាមការដឹកនាំរបស់ ឯកឧត្តម ឃួង ស្រេង អភិបាល នៃគណៈអភិបាលរាជធានីភ្នំពេញ និងជាប្រធានគណៈបញ្ជាការឯកភាពរាជធានីភ្នំពេញ លោក សក់ ច័ន្ទកញ្ញារិទ្ធ អភិបាល នៃគណៈអភិបាលខណ្ឌពោធិ៍សែនជ័យ និងជាប្រធានគណៈបញ្ជាការឯកភាពខណ្ឌ។
នៅថ្ងៃអាទិត្យ ១៥រោច ខែបុស្ស ឆ្នាំម្សាញ់ សប្តស័ក ព.ស ២៥៦៩ ត្រូវនឹងថ្ងៃទី១៨ ខែមករា ឆ្នាំ២០២៦ វេលាម៉ោង ០៨:៣០ នាទីព្រឹក កម្លាំងគណៈបញ្ជាការឯកភាពរដ្ឋបាលខណ្ឌពោធិ៍សែនជ័យ បានចុះធ្វើរដ្ឋបាលក្នុងមូលដ្ឋានខណ្ឌ ធ្វើការអប់រំណែនាំដល់ម្ចាស់ទីតាំងអាជីវកម្ម បុរី ខុនដូរ សណ្ឋាគារ ផ្ទះសំណាក់ ផ្ទះជួលស្នាក់នៅ ស្តីពីការគ្រប់គ្រងសន្តិសុខសុវត្ថិភាពតាមទីតាំងរស់នៅប្រមូលផ្តុំ និងជាផ្នែកមួយ នៃយុទ្ធនាការថ្នាក់ជាតិក្នុងការប្រយុទ្ធប្រឆាំងនឹងការឆបោកតាមប្រព័ន្ធបច្ចេកវិទ្យា ស្របតាមខ្លឹមសារនៃអនុក្រឹត្យលេខ០៣ របស់រាជរដ្ឋាភិបាលកម្ពុជា។
ក្រុមការងារបានធ្វើកិច្ចសន្យាជាមួយម្ចាស់ និងតំណាងទីតាំងអាជីវកម្ម ត្រូវគោរព និងអនុវត្តការណែនាំដូចខាងក្រោម៖
-មិនត្រូវជួល ឬផ្ដល់ទីតាំងឱ្យជនបរទេសដោយមិនមានឯកសារគ្រប់គ្រាន់
-ត្រូវថតចម្លងឯកសារ (Pass Sport) ជនបរទេសឱ្យបានត្រឹមត្រូវ
-ត្រូវរាយការណ៍រាល់វត្តមានជនបរទេសស្នាក់នៅ ជូនអាជ្ញាធរមានសម្ថកិច្ច
-មិនត្រូវផ្ដល់ទីតាំងសម្រាប់ប្រព្រឹត្តិអំពើទាំងឡាយណាដែលផ្ទុយពីច្បាប់កំណត់៕
0 Comments:
Post a Comment