ដោយអនុវត្តតាមបទបញ្ជារបស់លោកវរសេនីយ៏ឯកព្រុំ សំណាង អធិការនគរបាលស្រុកកៀនស្វាយ កម្លាំងអន្តរាគមន៏ និងប៉ុស្ដិរដ្ឋទាំង៨ ត្រូវពង្រឹងលើការងារសន្តិសុខសណ្ដាប់ធ្នាប់ នារដូវបុណ្យចូលឆ្នាំប្រពៃណីខ្មែរខាងមុខនេៈ..

ដោយអនុវត្តតាមបទបញ្ជារបស់លោកវរសេនីយ៏ឯកព្រុំ សំណាង អធិការនគរបាលស្រុកកៀនស្វាយ កម្លាំងអន្តរាគមន៏ និងប៉ុស្ដិរដ្ឋទាំង៨ ត្រូវពង្រឹងលើការងារសន្តិសុខសណ្ដាប់ធ្នាប់ នារដូវបុណ្យចូលឆ្នាំប្រពៃណីខ្មែរខាងមុខនេៈ...

អនុវត្តន៏តាមប្រសាសន៏ដ៏ខ្ពង់ខ្ពស់របស់សម្ដេចមហាបវរធឹបតី ហ៊ុន ម៉ាណែត នាយករដ្ឋមន្ត្រី និងសេចក្ដីណែនាំបន្ថែម របស់ថ្នាក់ដឹកនាំក្រសួង សាលាខេត្តនិងស្រុក នារដូវ ចូលឆ្នាំ ខាងមុខនេៈគឺសំណូមពរអោយបងប្អូនប្រជាពលរដ្ឋយើងវិលត្រឡប់មកលេងល្បែងប្រជាប្រិយ ប្រពៃណីខ្មែរវិញ..! ហើយ។

បញ្ឈប់ការលេងប៉ាតម្ស៉ៅ និងបាញ់ទឹកតទៅទៀត..! ជាចុងបញ្ចប់លោកអធិការបានផ្ដាំផ្ណើដល់បងប្អូនទាំងអស់ធ្វើដំណើរឆ្លងការទៅស្រុកកំណើតប្រកបដោយសុវត្ថិភាពល្អ សុខសប្បាយគ្រប់ៗគ្នា៕

(សូមអានបន្ត)

ប្រតិបត្តិការស្រាវជ្រាវករណីចោរលួចរថយន្តមួយគ្រឿង នៅស្រុកពាមរក៏ រហូតតាមចាប់បានជនល្មើស តែត្រូវប្រជាពលរដ្ឋឡោមព័ទ្ធ មិនឲ្យយកជនល្មើសចេញ....

ព្រៃវែង៖ កម្លាំងនគរបាលខេត្តព្រៃវែង បានបើកប្រតិបត្តិការស្រាវជ្រាវករណីចោរលួចរថយន្តមួយគ្រឿងនៅស្រុកពាមរក៏ រហូតតាមចាប់បានជនល្មើសនៅថ្ងៃទី៤ ខែមេសា ឆ្នាំ២០២៦នេះ ប៉ុន្តែអ្វីដែលធ្វើឲ្យមានភ្ញាក់ផ្អើលនោះ គឺប្រជាពលរដ្ឋជាច្រើននាក់ បានឡោមព័ទ្ធ និងយករនាំងដែកមកព័ទ្ធរថយន្តរបស់កម្លាំងនគរបាល ដែលត្រៀមដឹកជនល្មើសចេញ។

សូមបញ្ជាក់ថា នៅវេលាម៉ោង ៤៖៣១នាទីទៀបភ្លឺថ្ងៃ២៥ ខែមីនា ឆ្នាំ២០២៦ មានករណីចោរលួចរថយន្តមួយគ្រឿងម៉ាក Hyundai ពាក់ស្លាកលេខភ្នំពេញ 3D-0908 ស្ថិតនៅភូមិពន្លៃ ឃុំព្រៃកណ្តៀង ស្រុកពាមរក៏ ខេត្តព្រៃវែង។

ក្រោយទទួលបានសេចក្តីរាយការណ៍ និងពាក្យបណ្តឹងរបស់ជនរងគ្រោះម្ចាស់ឡាន, កម្លាំងនគរបាលជំនាញព្រហ្មទណ្ឌ នៃស្នងការនគរបាលខេត្ត សហការជាមួយកម្លាំងនគរបាលមូលដ្ឋាន ក្រោមការបញ្ជាពីលោកឧត្តមសេនីយ៍ទោ ឈឿន ប៊ុនឆន ស្នងការនគរបាលខេត្ត បានបើកប្រតិបត្តិការស្រាវជ្រាវ ហើយឈានដល់ការចាប់ខ្លួនជនល្មើសនៅថ្ងៃទី៤ ខែមេសា ឆ្នាំ២០២៦នេះ។

តែពេលកម្លាំងនគរបាលចាប់ជនល្មើសដាក់ចូលរថយន្ត ដើម្បីដឹកមកសួរនាំនៅស្នងការដ្ឋាននគរបាលខេត្ត ស្រាប់តែប្រជាពលរដ្ឋមូលដ្ឋានជាច្រើន បានមកឡោមព័ទ្ធរថយន្តរបស់នគរបាលដែលដឹកជនល្មើស បង្កឲ្យមានការភ្ញាក់ផ្អើលយ៉ាងខ្លាំង ជាមួយនឹងបាតុភាពបែបនេះ, លោកឧត្តមសេនីយ៍ទោ ឈឿន ប៊ុនឆន បានបញ្ជាក់ពីការខិតខំប្រឹងប្រែងតាមស្រាវជ្រាវចាប់ជនល្មើស មិនគួរបងប្អូនប្រជាពលរដ្ឋបែរជាធ្វើបែបនេះដាក់នគរបាលសោះ។

ស្នងការនគរបាលខេត្តព្រៃវែង បានបញ្ជាក់ថា «នគរបាលព្រៃវែងប្រឹងប្រែង ដាច់បាយដាច់ទឹកជិត២សប្តាហ៍ ទំរាំបង្ក្រាបបាន មិនគួរណាប្រជាជនមិនយល់ បែរជាធ្វើដាក់នគរបាលទាំងមិនយល់រឿងហេតុ។ ផ្លូវច្បាប់គឺខុស សីលធម៌ក៏កាន់តែខុស»៕

(សូមអានបន្ត)

កម្លាំងចម្រុះបើកប្រតិបត្តិការបង្ក្រាបបទល្មើសបច្ចេកវិទ្យាទាំងយប់ ឃាត់ខ្លួនជនបរទេស២០នាក់ នៅខណ្ឌសែនសុខ....

ភ្នំពេញ៖ ជនសង្ស័យចំនួន ២០នាក់ (ស្រី្ត ២នាក់) ក្នុងនោះមានជនជាតិចិន ១៩នាក់ និងជនជាតិគីជីស៊ីស្ថាន ១នាក់ ត្រូវបានសមត្ថកិច្ចឃាត់ខ្លួនក្នុងប្រតិបត្តិការបង្ក្រាបទីតាំងសង្ស័យឆបោកតាមប្រព័ន្ធបច្ចេកវិទ្យា មួយកន្លែងស្ថិតក្នុងភូមិស្លែងរលើង សង្កាត់អូរបែកក្អម ខណ្ឌសែនសុខ នាយប់ថ្ងៃទី០១ ខែមេសានេះ។

 
ក្រៅពីឃាត់ខ្លួនជនសង្ស័យខាងលើ សមត្ថកិច្ច ក៏បានដកហូតសម្ភារៈវត្ថុតាងមានដូចជាៈ ទូរសព្ទដៃ ចំនួន ៨៤៦គ្រឿង, ធុង CPU ចំនួន ៥១គ្រឿង,អេក្រង់ MONITOR ចំនួន ៥៤គ្រឿង,ស៊ីមកាតអន្តរជាតិមួយចំនួន។ ចំណែកឯ សម្ភារៈវត្ថុតាង ក្នុងឃ្លាំងរក្សាទុក មានកុំព្យូទ័រលើតុ ALL IN ONEចំនួន ៣១គ្រឿង, ធុង CPU ចំនួន ០២គ្រឿងនិង អេក្រង់ MONITOR ចំនួន ១៨គ្រឿង។

ប្រតិបត្តិការបង្ក្រាបនេះខាងលើនេះធ្វើឡើង ក្រោមការបញ្ជាពី ឯកឧត្តម ឃួង ស្រេង អភិបាលរាជធានីភ្នំពេញ និង ឯកឧត្តម ឧត្តមសេនីយ៍ឯក ជួន ណារិន្ទ អគ្គស្នងការរង និងជាស្នងការនគរបាលរាជធានីភ្នំពេញ រួមទាំងមានការចូលរួមសហការពីអាជ្ញាធរខណ្ឌសែនសុខ និងដោយមានការសម្របសម្រួលពីតំណាងអយ្យការអមសាលាដំបូងរាជធានីភ្នំពេញ។

យោងតាមការធ្វើកោសល្យវិច្ច័យលើសម្ភារៈវត្ថុតាងឧបករណ៍អេឡិចត្រូនិច កុំព្យូទ័រ និងទូរស័ព្ទដៃសន្និដ្ឋានបានថា ជនសង្ស័យប្រើប្រាស់ទឹកដីប្រទេសកម្ពុជា លួចលាក់ប្រព្រឹត្តបទល្មើសឆបោកតាមប្រព័ន្ធបច្ចេកវិទ្យា ក្រោមរូបភាពអូសទាញឱ្យវិនិយោគក្លែងក្លាយ គោលដៅជនរងគ្រោះប្រទេសអាឡឺម៉ង់ ,សហរដ្ឋអាមេរិក និងតំបន់អ៉ឺរ៉ុប ។
បច្ចុប្បន្ន ជនសង្ស័យទាំង ២០នាក់ រួមនិងវត្ថុតាងទាំងអស់ ត្រូវបានប្រគល់ជូនស្នងការដ្ឋាននគរបាលរាជធានីភ្នំពេញដើម្បីបន្តការសាកសួរ និងកសាងសំណុំរឿងបញ្ជូនទៅកាន់តុលាការ តាមនីតិវិធីច្បាប់។

សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា បានប្ដេជ្ញាចិត្តយ៉ាងមុតមាំក្នុងការបោសសម្អាតឱ្យអស់នូវបទល្មើសឆបោកតាមប្រព័ន្ធបច្ចេកវិទ្យាចេញពីកម្ពុជា ត្រឹមខែមេសា ឆ្នាំ២០២៦។ សម្តេចធិបតីបានបញ្ជាក់យ៉ាងច្បាស់ថា កម្ពុជាមិនមែនជាកន្លែងសម្រាប់ឧក្រិដ្ឋជនបច្ចេកវិទ្យាប្រើប្រាស់ក្នុងការប្រព្រឹត្តបទល្មើសឡើយ ហើយបុគ្គល ឬអង្គភាពណាដែលនៅពីក្រោយសកម្មភាពទាំងនេះ នឹងត្រូវប្រឈមមុខនឹងទោសទណ្ឌខ្ពស់បំផុត ដោយគ្មានការយោគយល់ ឬអន្តរាគមន៍ឡើយ៕

ប្រភព៖ លេខាធិការដ្ឋានគណៈកម្មការចំពោះកិច្ចប្រយុទ្ធប្រឆាំងការឆបោកតាមប្រព័ន្ធបច្ចេកវិទ្យា (គ.ប.ឆ.ប.)

(សូមអានបន្ត)

រដ្ឋមន្ត្រីក្រសួងព័ត៌មាន ៖ យុទ្ធនាការនិយាយថាទេ ចំពោះព័ត៌មានក្លែងក្លាយ «Say No to Fake News» ជំហានទី២ ដើម្បីពង្រឹងសន្តិសុខនិងសុវត្ថិភាពព័ត៌មាន នឹងចេញដំណើរក្នុងពេលឆាប់ៗនេះ...

ឯកឧត្តម នេត្រ ភក្ត្រា រដ្ឋមន្ត្រីក្រសួងព័ត៌មាន បានឱ្យដឹងថា យុទ្ធនាការនិយាយថាទេចំពោះព័ត៌មានក្លែងក្លាយ «Say No to Fake News» ជំហានទី២ ដើម្បីពង្រឹងសន្តិសុខនិងសុវត្ថិភាពព័ត៌មាន នឹងចេញដំណើរក្នុងពេលឆាប់ៗនេះ ក្រោយពីយុទ្ធនាការជំហានទី១ ដែលបានចាប់ផ្តើមពីថ្ងៃទី១ ខែមេសា ឆ្នាំ២០២៥ ដល់ចុងខែមីនា ឆ្នាំ២០២៦ នេះ បញ្ចប់ដោយជោគជ័យ និងទទួលលទ្ធផលប្រកបដោយមោទនៈ។

បើតាមឯកឧត្តម នេត្រ ភក្ត្រា ជាលទ្ធផលចំណេះដឹងអក្ខរកម្មព័ត៌មាននិងប្រព័ន្ធផ្សព្វផ្សាយ រួមនឹងអក្ខរកម្មឌីជីថលត្រូវបានផ្សព្វផ្សាយនិងបញ្ជ្រាបជូនដល់បងប្អូនប្រជាពលរដ្ឋ។ អ្នកចូលរួមក្នុងយុទ្ធនាការផ្ទាល់ជាង ៤០០០ នាក់ទូទាំងប្រទេសដែលជាឃោសិកផ្ទាល់ ហើយសកម្មភាពទាំង ២៥ ខេត្តរាជធានីនេះបានជះឥទ្ធិពលដល់មនុស្សជិត ១០លាននាក់។
ជាមួយគ្នានេះ ក្រសួងព័ត៌មានបានសហការជាមួយក្រសូងប្រៃសណីយ៍និងទូរគមនាគមន៍ផ្សព្វផ្សាយសារអប់រំដោយផ្ទាល់តាមប្រព័ន្ធទូរស័ព្ទដល់ពលរដ្ឋសរុបជាង ២៣ លានអង្គ/នាក់ ដែលមនុស្សម្នាក់អាចទទួលសារលើសពីមួយដង។
ឯកឧត្តម នេត្រ ភក្ត្រា សង្កត់ធ្ងន់ថា ជារួម ប្រជាពលរដ្ឋបានយល់ដឹងច្រើនពីវិធានកាេការពារខ្លួនពីព័ត៌មានក្លែងក្លាយ និងជឿជាក់ចិត្តលើប្រភពព័ត៌មានផ្លូវការ និងបានជួយអប់រំសហគមន៍របស់ខ្លួនកុំឱ្យចាញ់បោកព័ត៌មានក្លែងក្លាយ ចាំបាច់ត្រូវផ្ទៀងផ្ទាត់ប្រភពឱ្យបានច្បាស់លាស់ មុននឹងជឿ និងមុននឹងចែករំលែក៕

(សូមអានបន្ត)

ដោយអនុវត្តតាមបទបញ្ជារបស់ លោកឧត្តមសេនីយ៍ទោ ឈឿន សុចិត្ត ស្នងការ នៃស្នងការដ្ឋាននគរបាលខេត្តកណ្តាល នៅថ្ងៃទី១៤ខែមីនាឆ្នាំ២០២៦ ក្រោយទទួលពាក្យបណ្តឹងពីជនរងគ្រោះ កម្លាំងជំនាញនៃអធិការដ្ឋាននគរបាលក្រុងតាខ្មៅបានធ្វើការឃាត់ខ្លួនជនសង្ស័យ១នាក់....

មានជនរងគ្រោះច្រើនណាស់ដែលចាញ់បោកស្រ្តីរូបនេះ ដែលតែងតែដើរឆបោកគេដោយអួតខ្លួនថាជាថៅកែលក់ឡានផង ថៅកែបោះដុំគ្រឿងសមុទ្រផង និងជាម្ចាស់មុខជំនួញច្រើនទៀត ។ល។

ដោយអនុវត្តតាមបទបញ្ជារបស់ លោកឧត្តមសេនីយ៍ទោ ឈឿន សុចិត្ត ស្នងការ នៃស្នងការដ្ឋាននគរបាលខេត្តកណ្តាល នៅថ្ងៃទី១៤ខែមីនាឆ្នាំ២០២៦ ក្រោយទទួលពាក្យបណ្តឹងពីជនរងគ្រោះ កម្លាំងជំនាញនៃអធិការដ្ឋាននគរបាលក្រុងតាខ្មៅបានធ្វើការឃាត់ខ្លួនជនសង្ស័យ១នាក់  ចំណុចហាងK05 ស្ថិតក្នុងសង្កាត់តាខ្មៅ ក្រុងតាខ្មៅ ខេត្តកណ្តាល ពាក់ព័ន្ធករណីរំលោភលើទំនុកចិត្ត(ខ្ចីលុយ) ជនសង្ស័យមានឈ្មោះ យិន សុភ័ណ្ឌ ភេទស្រី អាយុ ៣៨ឆ្នាំ ជនជាតិខ្មែរ មានទីលំនៅភូមិព្រែកតាព្រីង  សង្កាត់សិត្បូ ក្រុងតាខ្មៅ ខេត្តកណ្តាល មុខរបរលក់ដូរ ។

បច្ចុប្បន្នជនសង្ស័យបានបញ្ជូនទៅអយ្យការអមសាលាដំបូងខេត្តកណ្តាលដើម្បីបន្តរនីតិវិធីច្បាប់៕

(សូមអានបន្ត)

លោកឧត្តមសេនីយ៍ទោ ឈឿន សុចិត្ត ស្នងការនគរបាលខេត្តកណ្តាល បានដឹកនាំលោកស្នងការរងទទួលផែនការងារជំនាញពាក់ព័ន្ធ លោកនាយការិយាល័យជំនាញពាក់ព័ន្ធ លោកអធិការនគរបាលគ្រប់ស្រុក/ក្រុង ចូលរួមកិច្ចប្រជុំ...

នៅថ្ងៃចន្ទ ១៤កើត ខែផល្គុន ឆ្នាំម្សាញ់ សប្តស័ក ពុទ្ធសករាជ ២៥៦៩ ត្រូវនឹងថ្ងៃទី២ ខែមីនា ឆ្នាំ២០២៦ លោកឧត្តមសេនីយ៍ទោ ឈឿន សុចិត្ត ស្នងការនគរបាលខេត្តកណ្តាល បានដឹកនាំលោកស្នងការរងទទួលផែនការងារជំនាញពាក់ព័ន្ធ លោកនាយការិយាល័យជំនាញពាក់ព័ន្ធ លោកអធិការនគរបាលគ្រប់ស្រុក/ក្រុង ចូលរួមកិច្ចប្រជុំដកបទពិសោធន៍ការអនុវត្តច្បាប់ចរាចរណ៍ផ្លូវគោករយៈពេល១ខែ និងផ្សព្វផ្សាយជំរុញអនុវត្តប្រកាសអន្តរក្រសួងលេខ១៦១  សហវ.ប្រក.អទច និងប្រកាសលេខ១៦២ សហវ.ប្រក.អទច ក្រោមអធិបតីភាពដ៏ខ្ពង់ខ្ពស់ ឯកឧត្តម នាយឧត្តមសេនីយ៍ ស ថេត អគ្គស្នងការនគរបាលជាតិ តាមរយៈប្រព័ន្ធZOOM នៅបន្ទប់ប្រជុំគណៈស្នងការនៃស្នងការដ្ឋាននគរបាលខេត្តកណ្តាល៕

(សូមអានបន្ត)