ខេត្តកណ្ដាល÷នៅព្រឹកថ្ងៃ២៩ ខែឧសភា ឆ្នាំ២០២៦លោកឧត្តមសេនីយ៍ទោ ឈឿន សុចិត្ត ស្នងការនគរបាលខេត្តកណ្តាល បានចាត់តាំងលោកឧត្តមសេនីយ៍ត្រី ឡាក់ ម៉េងធី ស្នងការរងនគរបាលខេត្តកណ្តាល ជាតំណាង ចូលរួមកិច្ចប្រជុំប្រចាំខែមេសា ឆ្នាំ២០២៦ របស់ក្រុមព័ត៌មានទាន់ហេតុការណ៍ (HOTLINE) ជាមួយជនបរទេសប្រចាំនៅព្រះរាជាណាចក្រកម្ពុជា។
កិច្ចប្រជុំនេះប្រព្រឹត្តទៅក្រោមអធិបតីភាព ឯកឧត្តម ឧត្តមសេនីយ៍ឯក ជា ពៅ អគ្គស្នងការរងនគរបាលជាតិ តំណាងដ៏ខ្ពង់ខ្ពស់ ឯកឧត្តម នាយឧត្តមសេនីយ៍ ស ថេត អគ្គស្នងការនគរបាលជាតិ ដោយមានការចូលរួមពីថ្នាក់ដឹកនាំ និងតំណាងអង្គភាពពាក់ព័ន្ធជាច្រើនរូប។
កិច្ចប្រជុំបានផ្តោតសំខាន់លើការពិនិត្យវឌ្ឍនភាពការងារ ការផ្លាស់ប្តូរព័ត៌មាន និងបទពិសោធន៍ពាក់ព័ន្ធនឹងការងារសន្តិសុខ សណ្តាប់ធ្នាប់សាធារណៈ ក៏ដូចជាការពង្រឹងកិច្ចសហប្រតិបត្តិការរវាងសមត្ថកិច្ចកម្ពុជា និងជនបរទេសប្រចាំនៅកម្ពុជា ដើម្បីរួមចំណែកថែរក្សាសន្តិសុខ សុវត្ថិភាព និងសណ្តាប់ធ្នាប់សង្គមឱ្យកាន់តែមានប្រសិទ្ធភាព។
កិច្ចប្រជុំនេះបានប្រព្រឹត្តទៅនៅសាលប្រជុំទីស្តីការក្រសួងមហាផ្ទៃ ក្នុងបរិយាកាសយកចិត្តទុកដាក់ និងទទួលបានលទ្ធផលល្អប្រសើរ៕
0 Comments:
Post a Comment